2016-03-18 11:31:29, 810 ნახვა
სამართალი
ინგა ჩატოიანსა და ზურაბ ჯამალაშვილის მეუღლეს შორის დაპირისპირება მოხდა
თბილისის საქალაქო სასამართლოში პირადი და ოჯახური საიდუმლოების ხელყოფისთვის ბრალდებულ ინგა ჩატოიანსა და ასევე ბრალდებულ ზურაბ ჯამალაშვილის მეუღლეს შორის დაპირისპირება მოხდა. თეა ჯამალაშვილმა ჩატოიანს ცრუ მოწმე უწოდა და მისთვის ფიზიკური შეურაცხყოფის მიყენებას შეეცადა.
ინციდენტი მოხდა პროცესის დაწყებამდე და ის დასრულების შემდეგაც გაგრძელდა. სიტუაცია დაცვის თანამშრომლებმა განმუხტეს.
შეგახსენებთ, თბილისის საქალაქო სასამართლომ პირადი და ოჯახური საიდუმლოების ხელყოფისთვის ბრალდებულ ინგა ჩატოიანს აღკვეთის ღონისძიების სახით, 5000 ლარიანი გირაო შეუფარდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
