პრაღაში რუსეთთან ურთიერთობის საკითხებში საქართველოს პრემიერ-მინისტრის სპეციალური წარმომადგენლის ზურაბ აბაშიძის და რუსეთის საგარეო საქმეთა მინისტრის მოადგილის გრიგორი კარასინის შეხვედრა დასრულდა.

როგორც შეხვედრის შემდეგ აბაშიძემ ჟურნალისტებს განუცხადა, ქართულმა მხარემ სხვა საკითხებთან ერთად საოკუპაციო ხაზთან, სოფელ ჯარიაშენთან ოკუპანტების მიერ დაწყებულ გზის სამშენებლო სამუშაოებზე დააფიქსირა პოზიცია.

 „მე დამრჩა განწყობა, რომ ჩვენი შეხვედრის ტონალობა იყო საქმიანი. ჩვენ საკმაოდ დეტალურად ვისაუბრეთ ყველა იმ საკითხებზე და როგორც უკვე მოგახსენეთ, რამდენიმე თემასთან დაკავშირებით წინ გადავდგით ნაბიჯი, ეს რაც შეეხება ჩვენს მოქალაქეებს, სავაჭრო ურთიერთობებს, 2011 წლის შეთანხმებას. იქ რამდენიმე საკითხი წავწიეთ კიდევ სერიოზულად წინ. ეს რაც შეეხება ჩვენი საუბრის შინაარსს და არსს. ჩვენი მხრიდან დაფიქსირდა ჩვენი პოზიცია იმ დესტრუქციულ ქმედებებთან დაკავშირებით, რომლებიც ხდებოა საოკუპაციო ხაზზე. მათ აქვთ თავისი პოზიცია. რამდენადაც მე ვიცი, ამის შესახებ ისაუბრა ბატონმა კარასინმა. რა თქმა უნდა ამ საკითხთან დაკავშირებით ჩვენს შორის არის რადიკალურად განსხვავებული პოზიციები. ბუნებრივია უფრო საგნობრივი, დეტალური საუბარი გაგრძელდება ჟენევაში“, - განაცხადა ზურაბ აბაშიძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

DRI: კრიტიკული მედიისთვის სახელმწიფო საგადასახადო ინსტრუმენტს შერჩევითად იყენებს

ოპოზიციის ალიანსი: დიუშენის შემთხვევამ ცხადყო, რამდენად მოშლილია სახელმწიფო ინსტიტუცია

სასამართლომ ირაკლი კობახიძის წინააღმდეგ მზია ამაღლობელის სარჩელზე საქმის წარმოება შეწყვიტა

პენიტენციური: რატიანის კომუნიკაცია სხვა მსჯავრდებულებთან შესაძლოა, გარკვეულ რისკს შეიცავდეს