აშშ-ის სახელმწიფო მდივნის, მარკო რუბიოს განცხადებით, რუსეთი და უკრაინა ფრონტზე ცეცხლის შეწყვეტის პირობების შესახებ წინადადებებს მოამზადებენ.

„მან [ლავროვმა] განმიმარტა, რომ ისინი მოამზადებენ დოკუმენტს, რომელშიც აღწერილი იქნება ცეცხლის შეწყვეტის მოთხოვნები, რაც შემდეგ უფრო ფართო მოლაპარაკებებს გამოიწვევს. ამგვარად, ცხადია, უკრაინული მხარე საკუთარ წინადადებაზე იმუშავებს და, იმედია, უახლოეს მომავალში წარადგენენ“, - აღნიშნა რუბიომ CBS News-თან ინტერვიუში.

მისი თქმით, თუ ეს მართლაც მოხდება და რუსული და უკრაინული მხრიდან წამოსული წინადადებები სერიოზული და განხორციელებადი იქნება, მაშინ რეალური პროგრესის მიღწევა შესაძლებელი გახდება.

„თუ ამ წინადადებებში რეალური და რაციონალური იდეები იქნება, მაშინ ვფიქრობ, რომ პროგრესი გვექნება. მეორეს მხრივ, თუ ამ წინადადებებში ისეთი მოთხოვნებია, რომლებიც, ჩვენი აზრით, არარეალურია, მაშინ სხვა შეფასება გვექნება. ამიტომ, შევეცდებით ამის გარკვევას. აქ არის კომბინაცია. ერთი მხრივ, ჩვენ ვცდილობთ მშვიდობის მიღწევას და ძალიან სისხლიანი და დამანგრეველი ომის დასრულებას, ამიტომ, საჭიროა გარკვეული მოთმინება. მეორეს მხრივ, ჩვენ არ გვაქვს დასაკარგი დრო. მსოფლიოში ბევრი სხვა რამ ხდება, რასაც ასევე ყურადღება უნდა მივაქციოთ“, - აღნიშნა რუბიომ.

აშშ-ის სახელმწიფო მდივანმა ასევე ისაუბრა რუსეთის წინააღმდეგ სანქციებზე. მისი მტკიცებით, თუ მოლაპარაკებებში პროგრესი არ იქნება, სენატი რუსეთის წინააღმდეგ სანქციების პაკეტს მიიღებს.

„სენატს ვთხოვეთ, გარკვეული დრო მოეცა იმის გასარკვევად, შეგვიძლია თუ არა უკრაინის საკითხზე მოლაპარაკებებში პროგრესის მიღწევა. საკმაოდ მკაფიოდ ვურთიერთობთ რუსულ მხარესთან უკვე კვირებია. რუსულ მხარეს ვაცნობეთ, რომ ეს ძალისხმევა მიმდინარეობს, რომ ვვარაუდობდით, საბოლოოდ სენატში მას დაახლოებით 80 მხარდამჭერი ეყოლება და ჩემი წარმოდგენით, მხარდაჭერის მსგავსი პროცენტული მაჩვენებელი იქნება წარმომადგენელთა პალატაშიც. თითქმის ორი თვის განმავლობაში არაერთხელ ვაცნობეთ რუსებს, რომ ეს მოხდება, თუ პროგრესი არ იქნება მიღწეული“, - აღნიშნა რუბიომ.

აშშ-ის სახელმწიფო მდივნის თქმით, კონგრესის მიერ რუსეთის წინააღმდეგ სანქციების შესახებ კანონპროექტის მიღება ისეთი რამაა, რისი შეჩერება ან კონტროლი მათ არ შეუძლიათ.

ავტორი: ექსპრესნიუსი,

სოციალური ქსელები

თიბისის კიდევ ერთი პროდუქტი მომხმარებლების ცხოვრების გასამარტივებლად - საერთაშორისო გადარიცხვები მობაილბანკში

აშშ-ის საელჩო: ჩვენ სიამაყით ვაგრძელებთ ორმხრივად სასარგებლო პარტნიორობის გაძლიერებასა და განვითარებას საქართველოში

კალაძე შეშფოთებულია და ევროკავშირის ელჩის დაბარებას ითხოვს

კალაძე ოპოზიციის ალიანსის უთანხმოებაზე - დღეს სადაც არიან აღნიშნული ელემენეტები, ეს მათი ბუნებრივი მდგომარეობაა