ჟურნალისტმა ეკა მიშველაძემ საქართველოს მთავარი პროკურატურის შენობა დატოვა. მიშველაძის იურისტის ლევან ვეფხვაძის განცხადებით, საჯარო განცხადებებზე, სადაც ჟურნალისტი ფარულ თვალთვალზე საუბრობს, გამოძიება არ დაწყებულა.

ჟურნალისტი საგამოძიებო ორგანოში მისი საჯაროდ გაკეთებული განცხადებების საფუძველზე, გამოკითხვის მიზნით დაიბარეს.

საიას იურისტი ლევან ვეფხვაძე მიიჩნევს, რომ საქმეში არსებობს საკმარისი მტკიცებულებები იმისათვის, რომ პროკურატურა დაინტერესდეს და გამოძიება მყისიერად დაიწყოს.

პროკურატურიდან გამოსული ეკა მიშველაძე ამბობს, რომ  საგამოძიებო ორგანოს მისთვის ცნობილი ყველა დეტალი უამბო.

„ამ ქვეყანაში ეს უკუღმართობა, რასაც ქვია უკანონო თვალთვალი, მიყურადება, ზოგადად ძალადობა, სასაფლაოებზე ადამიანების დახვრეტა უნდა დამთავრდეს და აუცილებლად დასრულდება, მე ამის იმედი მაქვს“, - განაცხადა ეკა მიშველაძემ.

მისივე თქმით, პროკურატურას იმ პირის ვინაობა დაუსახელა, ვინც მისი და ალექსი პეტრიაშვილის Viber-მიმოწერა წარუდგინა.

ცნობისთვის, ეკა მიშველაძე გუშინ ტელეკომპანია "რუსთავის 2"-ის ეთერში გაკეთებულ განცახდებებთან დაკავშირებით საქართველოს მთავარ პროკურატურაში გამოკითხვის მიზნით დაიბარეს. ჟურნალისტმა კიდევ ერთხელ განაცხადა, რომ მის პირად ცხოვრებას უთვალთავალებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა