გვიან ღამით პროკურატურაში იმყოფებოდნენ ბიძინა კუჭავას მეუღლე და ადვოკატიც, რომლებიც პროკურორ ვახტანგ ქირიას საქმის მოწმეთა ბაზის გაცნობას ითხოვდნენ.

არ არის გამორიცხული, ამის შემდეგ მეუღლემ ჩვენების ხელმეორედ მიცემა და კონკრეტულ პირთა დაკითხვაც მოითხოვოს.

ისინი, ასევე ითხოვენ ინფორმაციას სატელეფონო ზარებთან დაკავშირებით და ვისთან საუბრის შემდეგ გავიდა კუჭავა სახლიდან ქირიას მკვლელობიდან მესამე დღეს.

ისინი თბილისის პროკურორის მოადგილეს შეხვდნენ.

როგორც კუჭავას ოჯახის ადვოკატმა აღნიშნა, მათ ყველა იმ დოკუმენტის მიღება სურთ რაც პროკურატურას ამჟამად ბიძინა კუჭავას თვითმკვლელობასთან დაკავშირებით აქვთ მოპოვებული.

"გვაინტერესებდა ვიდეო მასალების ნახვა და ყველა იმ დოკუმენტების გადმოცემა, რაც მათ აქვთ მოპოვებული. თუნდაც კუჭვას და ქირიას ჰქონდათ სატელეფონო კომუნიკაცია და ვფიქრობთ, რომ შეიძლება ქირიამ დაურეკა კუჭავას და სწორედ ქირიას სატელეფონო ზარის შემდეგ მოხდა კუჭავას სახლიდან გასვლა", - განაცხადა ბიძინა კუჭავას ოჯახის ადვოკატმა, ნათია კორკოტაძემ.

შეგახსენებთ, პროკურორ ვახტანგ ქირიას ცხედარი ქავთარაძეზე, ერთ-ერთ ბინაში აღმოაჩინეს. გამოძიებით დადგინდა, რომ 2016 წლის 13 იანვარს, დაახლოებით, 16:15 საათზე, ვახტანგ ქირია სახლიდან გავიდა და მისი ადგილსამყოფელი რამდენიმე დღის განმავლობაში ოჯახის წევრებისთვის უცნობი იყო. გამორთული იყო მობილური ტელეფონი, არ ჩანდა მისი კუთვნილი ავტომანქანა და ვერ ხერხდებოდა მასთან დაკავშირება. 16 იანვარს ის ქავთარაძის ქუჩაზე, ერთ-ერთ ბინაში მოკლული იპოვეს.

შსს-ს ცნობით, ქირია კუჭავამ მოკლა. გამოძიების ინფორმაციით, ბიძინა კუჭავა კი, თბილისში, იუსტიციის სახლთან დავით პოპოვის ავტომობილით გადაადგილდებოდა, რა დროსაც პოლიცია კვალზე იყო გასული. სამართალდამცველების მისვლამდე კი, მან ცეცხლსასროლი იარაღით თავი მოიკლა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს