თბილისის საქალაქო სასამართლომ ლევან გაჩეჩილაძის მოთხოვნა „მაესტროს“ გაკოტრების საქმის შეწყვეტასთან დაკავშირებით დააკმაყოფილა.

აღსანიშნავია, რომ საქალაქო სასამართლომ კიდევ ერთი გადაწყვეტილება მიიღო. ბაჩო კიკაბიძეს „მაესტროს“ ლოგოს ვეღარ გამოყენების უფლება არ მისცეს.

"ვიბრძვი იმისთვის, რომ დარჩეს შ.პ.ს „სტუდია მაესტრო“, იმ ფორმით, როგორც ეს ისტორიულად 25 წელზე მეტია მოდიოდა, დარჩეს ძალიან მდგრად ფინანსურადაც, ჟურნალისტურ მდგრადობასაც ვგულისხმობ და კანონიერ ტელევიზიად. სანამ იქნება ასეთი მდგომარეობა, რომ  გენერალურ დირექტორს ნებაყოფლობით არ მიშვებენ იმ პროდუქტთან, რომ მან შეისწავლოს რა დროში და როგორ მოხდეს კრედიტორების  გადახდა, მე ამ დოკუმენტს ვერ დავდებ. სწორედ იმიტომაც, გაკოტრების საქმის შეწყვეტა მოვითხოვე“, -  განაცხადა ლევან გაჩეჩილაძემ.

მაკა ასათიანის ადვოკატის გიორგი გვენეტაძის თქმით, ის არ ელოდება სამართლიანი გადაწყვეტილებების მიღებას.

“ისე განვითარდა ბოლო რამდენიმე საათში მოვლენები „მაესტროს“ ირგვლივ, რომ რაიმის პროგნოზირება მიჭირს, პოზიტიურის მითუმეტეს. არ ველოდები პოზიტიურ სამართლიან და გადაწყვეტილებებს“, - განაცხადა გვენეტაძემ.       

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა