თბილისის სახელმწიფო უნივერსიტეტის პროფესორმა ცირა ბარამაძემ თვითმართველობის წარმომადგენლებს მოუწოდა, რექტორის კაბინეტი დატოვონ.

ბარამაძემ სტუდენტებს განუმარტა, რომ მათი ქმედება ანტისახელმწიფოებრივი და ანტისამართლებრივია და მოუწოდა დიალოგისთვის  ნებისმიერ აუდიტორიაში გადაინაცვლონ.

"სამართლებრივად განგიმარტავთ, სტუდენტებო, ეს არის ანტისახელმწიფოებრივი და ანტისამართლებრივი ქმედება. გთხოვთ, გადაინაცვლოთ აუდიტორიაში დიალოგისთვის. მივმართე ამისათვის ხელმძღვანელობას, რომ თქვენ თანაბრად 5 თქვენი და ასევე მეორე მხარის 5 წარმომადგენელი და დაახლოებით 7 პროფესორი, ოღონდ არც სენატის და არც აკადემიუერი საბჭოს წევრი, 3 პროფესორი თქვენს მიერ არჩეული 3 მეორე მხარის მიერ არჩეული და 1 ვიღაც სხვა შეიკრიბოს. თქვენ ჩადიხართ ანტისახელმწიფოებრივ ქმედებას და ეს არის დასჯადი. დატოვეთ რექტორის აუდიტორია. გთხოვთ, საქმეს არაკონსტრუქციულ ურთიერთობამდე ნუ მიიყვანთ. თქვენ ჩემი სტუდენტები ხართ. არ შემიძლია თქვენზე უარის თქმა", - მიმართა ცირა ბარამაძემ სტუდენტებს.

მანამდე კი თვითმართველობის წარმომადგნელებს რექტორის კაბინეტის დატოვებისკენ და დიალოგისკენ ავთანდილ კახნიაშვილმა მოუწოდა, რომელიც როგორც აღმოჩნდა, თბილისის სახელმწიფო  უნივერსიტეტში არ მუშაობდა.ამან როგორც სტუდენტების, ასევე ლექტორების პროტესტი გამოიწვია. კახნიაშვილმა კი განაცხადა, რომ ის არის ორივე მხარის წარმომადგენელი.

როგორც "ექსპრესნიუსის" კორესპონდენტი ადგილიდან იტყობინება, ამ წუთებში რექტორის კაბინეტში თსუ-ს უსაფრთხოების სამსახურის წარმომადგნელები არიან შესულები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს