ეკა მიშველაძის გათავისუფლება საზოგადოებრივი მაუწყებლიდან პოლიტიკური ნიშნით მოხდა, -  ასეთ დასკვნას საზოგადოებრივი მაუწყებლის მონიტორინგის საბჭო აქვეყნებს, რომელმაც საკითხი შეისწავლა.

როგორც მონიტორინგის საბჭოს წარმომადგენელმა ემზარ გოგუაძემ განაცხადა, პოლიტიკური დევნა ეკა მიშველაძეზე იმ მიზეზით განხორციელდა, რომ ის ოპოზიციური პარტიის გენერალური მდივნის მეუღლეა. 

ამასთან ეკა მიშველაძემ განაცხადა, რომ მონიტორინგის საბჭოს დასკვნა არ უკვირს. მისი თქმით, ამ დასკვნას აუცილებლად თბილისის საქალაქო სასამართლოში წარადგენს.

"სასარგებლოა მონიტორინგის საბჭოს გადაწყვეტილება. რა თქმა უნდა ამ გადაწყვეტილებას სასამართლოში წავიღებ. საბჭომ ჩემი განცხადების საფუძველზე განიხილა საზოგადოებრივი მაუწყებლის მიერ ჩემი გათავისუფლების საკითხი და მათ მიიჩნიეს ეს არაკანონიერად. კერძოდ საუბარია იმაზე, რომ აქ იყო პოლიტიკური ინტერესი და ჟურნალისტური საქმიანობის შეზღუდვაც. ერთი რამ შემიძლია ვთქვა, რომ ეს არის ძალიან მნიშვნელოვანი დასკვნა. მოხარული ვარ, რომ მონიტორინგის საბჭო ამ საკიტხით დაინტერესდა", - განაცხადა ეკა მიშველაძემ.

საბჭოს დასკვნის მიხედვით, საზოგადოებრივი მაუწყებლის ადმინისტრაციის მხრიდან პოლიტიკური დევნა განხორციელდა. საუბარია გენერალური დირექტორის მრჩეველ ბასა ჯანიკშვილზე, რომელმაც საჯარო სივრცეში განაცხადა ეკა მიშველაძის ინტერესთა კონფლიქტზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა