2025-04-02 12:40:05, 626 ნახვა
პოლიტიკა
ნიკა მელია პარლამენტის საგამოძიებო კომისიაზე დაიბარეს
პარლამენტის საგამოძიებო კომისიის სხდომაზე ,,კოალიცია ცვლილებისთვის" კიდევ ერთი ლიდერი, ნიკა მელია დაიბარეს. ინფორმაციას კოალიციის ერთ-ერთი წევრი, თენგო თევზაძე ავრცელებს.
"ნიკა მელიაც დაიბარეს, როგორი დამთხვევა ერთი კოალიციის სამ ლიდერს ერთდროულად რომ იბარებენ! ნიკა გვარამია, ზურაბ ჯაფარიძე - ნეტა რა სისტემით იბარებენ ხალხს? პარტიების მიხედვით არ იკადრებდნენ და შემთხვევით ანბანის მიხედვით ხომ არ შვებიან?", - წერს თევზაძე.
მანამდე, ე.წ. კომისიაზე დაიბარეს ,,კოალიცია ცვლილებისთვის" ლიდერები ზურაბ ჯაფარიძე და ნიკა გვარამია.
ცნობისთვის, სისხლის სამართლის კოდექსის თანახმად, კომისიის მოთხოვნის შეუსრულებლობა ითვალისწინებს ჯარიმას ან პატიმრობას ერთ წლამდე.
ავტორი: ექსპრესნიუსი,
epn.ge (@expressnews.ge)
