"ეს არის პოლიტიკური პროცესის ნაწილი და მიზანმიმართულია ხელისუფლების წინააღმდეგ" - ასე გამოეხმაურა თავდაცვისა და უშიშროების კომიტეტის თავმჯდომარე, ირაკლი სესიაშვილი ფარული ვიდეოჩანაწერების გასაჯაროებას "რუსთავი 2-ის" პირდაპირ ეთერში. 

უმრავლესობის წევრი დარწმუნებულია, რომ საგამოძიებო უწყებები ყველა საშუალებას გამოიყენებენ აღნიშნულ ფაქტის გამოძიებისთვის და დამნაშავეები უმკაცრესად დაისჯებიან. მისი თქმით, ყველაზე მეტად ეს არ აწყობს და აზიანებს ხელისუფლებას. სესიაშვილი მიიჩნევს, რომ ეს ყველაფერი მიზანმიმართულია ხელისუფლების, კერძოდ, პრემიერმინისტრის წინააღმდეგ. 

"საღად ვინც აზროვნებს, კარგად ხვდება, რომ თუ ვინმეს დღეს ასეთი მარაზმი არ აწყობს და აზიანებს, ეს არის ხელისუფლება. მე მიმაჩნია, რომ ეს არის პოლიტიკური პროცესის ნაწილი და მიზანმიმართულია ხელისუფლების წინააღმდეგ. ეს არის მიმართული პირადად, პრემიერმინისტრის, გიორგი კვირიკაშვილის წინააღმდეგ," - განაცხადა სესიაშვილმა. 

სესიაშვილი კატეგორიულად გამორიცხავს კადრების გავრცელებაში ხელისუფლების ჩარევას და ასევე კატეგორიულად გამორიცხავს კადრების ახალი ხელისუფლების პირობებში ჩაწერას.

"სამწუხაროდ, ამ შემთხვევაში თავისუფალი დემოკრატები ამოიღეს სამიზნედ და მე დღეს თავისუფალი დემოკრატი ვარ, იმიტომ რომ მეც ისევე დავზიანდი, როგორც თითოეული მათგანი და ვისაც გონია, რომ ხელისუფლებაა ამაში ჩარეული, ეს არის წმინდა პოლიტიკური სიბეცე. ეს ჩანაწერები ვერ იქნება ჩვენი ხელისუფლების პირობებში გაკეთებული, ეს ჩვენთვის აბსოლუტურად მიუღებელია,"- განაცხადა ირაკლი სესიაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი

Amnesty International - საქართველოში ქალი მომიტინგეები ხდებოდნენ გენდერული და სექსუალური ძალადობის სამიზნე