თუ კონკრეტულმა ადამიანმა სერიოზული ზარალი მიიღო იმისგან, რომ იგი დაიბარეს, მაგალითად, „ქართუ ბანკში“, წაართვეს ქონება, და ეს ქონება მწამებლებს გადაულოცეს, რასაკვირველია, ეს შეიძლება დამატებითი შეკითხვების საფუძველი გახდეს, თუმცა ეს არ არსებობს, - ამის შესახებ პარლამენტის პირველმა-ვიცე სპიკერმა, გია ვოლსკიმ განაცხადა, რითაც უპასუხა შეკითხვას, დაიკითხებოდა თუ არა დროებითი საგამოძიებო კომისიის ფარგლებში “ქართული ოცნების” საპატიო თავმჯდომარე, ბიძინა ივანიშვილი.

მისი თქმით, მამუკა ხაზარაძის მხრიდან იმის თქმა, რომ “ჯერ ის [ბიძინა ივანიშვილი] დაიბარე და მერე მე დამიბარე”, პასუხისმგებლობიდან თავის დაძვრენის თაღლითური გზაა, რაც არაერთხელ გააკეთეს სხვადასხვა მიმართულებით”

„ხაზგასმით უნდა აღინიშნოს რომ თუკი ბიძინა ივანიშვილი ხელისუფლებას [“ნაციონალურ მოძრაობას”] ეხმარებოდა იმისთვის, რომ ჰქონოდა მაღალი დონის და სტანდარტის პოლიცია და ჯარი, ასევე იმისთვის, რომ საქართველოში ეროვნული კულტურის ძეგლები არ დაკარგულიყო და არ ჩამოშლილიყო, ეს იმას არ ნიშნავს, რომ ის კონკრეტულ ადამიანს ჩაგრავდა ან თავის ბანკში მიიყვანდა, ტყავს გააძრობდა და საწამებლად ჩააბარებდა, რასაც “თიბისი” ბანკის ხელმძღვანელობის დროს აკეთებდა ხაზარაძე. ამაზეა შეკითხვები დასასმელი, თორემ სახელმწიფოს თუ ეხმარებოდა ხაზარაძე, ჯაფარიძე ან ნებისმიერი სხვა, რომ სახელმწიფო არ ჩამონგრეულიყო და ამ ვითარებაში გარკვეული დარგები განვითარებული ჰქონოდა, ეს მისასალმებელია ყველასგან - ბიძინა ივანიშვილი იქნებოდა თუ ნებისმიერი ჩვენგანი. თუ კონკრეტული ადამიანი დაიჩაგრა და ასეთი ჩვენება არსებობს, თუ კონკრეტულმა ადამიანმა სერიოზული ზარალი მიიღო იმისგან, რომ იგი დაიბარეს მაგალითად, “ქართუ ბანკში”, წაართვეს ქონება და ეს ქონება მწამებლებს გადაულოცეს, რა საკვირველია, ეს შეიძლება დამატებითი შეკითხვების საფუძველი შეიძლება გახდეს, თუმცა ეს არ არსებობს. ადამიანმა პასუხი უნდა გასცეს კონკრეტულ შეკითხვას - ჯერ ის დაიბარე და მერე მე დამიბარე, ეს არის პასუხისმგებლობიდან თავის დაძვრენის, იგივე თაღლითური გზა, რაც არაერთხელ გააკეთეს სხვადასხვა მიმართულებით”, - განაცხადა ვოლსკიმ.

ცნობისთვის, “ნაციონალური მოძრაობის” საქმიანობის შემსწავლელმა დროებითმა საგამოძიებო კომისიამ „ძლიერი საქართველოს“ ლიდერები - მამუკა ხაზარაძე და ბადრი ჯაფარიძე დაიბარა, თუმცა ისინი სხდომაზე არ გამოცხადდნენ.

როგორც მამუკა ხაზარაძემ სოციალურ ქსელში დაწერა, პარლამენტის საგამოძიებო კომისიაში მისვლას და „ამ ცირკში მონაწილეობას“ არ აპირებს.

კომისიის თავმჯდომარის, თეა წულუკიანის ინფორმაციით, დროებითი საგამოძიებო კომისია „ძლიერი საქართველოს“ ლიდერ მამუკა ხაზარაძესთან დაკავშირებით პროკურატურას მიმართავს, ხოლო ბადრი ჯაფარიძეს სთავაზობს, 14:00 საათიდან 16:00 საათამდე გამოცხადდეს კომისიაზე და კითხვებს უპასუხოს.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა