2025-03-12 17:34:52, 765 ნახვა
პოლიტიკა
ნათია მეზვრიშვილი - სააკაშვილს ივანიშვილიც რომ მიუჯდება პოლიტიკურ კორუფციაზე, მაშინ იზეიმებს სამართალი
ექსპრემიერი გიორგი გახარიას პარტიის, „საქართველოსთვის“, ერთ-ერთი ლიდერი, ნათია მეზვრიშვილი ეხმაურება მიხეილ სააკაშვილისათვის დიდი ოდენობით საბიუჯეტო სახსრების გაფლანგვის საქმეზე 9-წლიანი პატიმრობის მისჯას:
„სააკაშვილს გვერდით ივანიშვილიც რომ მიუჯდება პოლიტიკურ კორუფციაზე, მაშინ იზეიმებს სრულად სამართალი“, - დაწერა ნათია მეზვრიშვილმა 12 მარტს ფეისბუკზე.
რამდენიმე საათით ადრე ექსპრეზიდენტ მიხეილ სააკაშვილს, რომელსაც 6-წლიანი პატიმრობა უკვე ჰქონდა მისჯილი, კიდევ ერთ საქმეზე - დიდი რაოდენობით საბიუჯეტო თანხების გაფლანგვის საქმეზე, რასაც მედიაში „პიჯაკების საქმეს“ უწოდებენ - მიუსაჯეს პატიმრობა, ამჯერად 9 წლით.
ავტორი: ექსპრესნიუსი,
epn.ge (@expressnews.ge)
