თბილისის სახელმწიფო უნივერსიტეტის სტუდენტებმა სენატის შეთავაზებაზე უარი განაცხადეს, მათი ნაწილი აქციას მთელი ღამის განმავლობაში გააგრძელებენ. 

აქციის მონაწილეები აცხადებენ, რომ თუკი უნივერსიტეტის სენატს მათთან თანამშრომლობის სურვილი აქვს, შეუძლიათ შეუერთდნენ აქციას და მოისმინონ სტუდენტების ულტიმატუმი. სტუდენტების მთავარი მოთხოვნებია: დაუყოვნებლივ მოხსნას კანცლერობის კანდიდატმა გიორგი გაფრინდაშვილმა კანდიდატურა, თსუ-ის ხელმძღვანელობამ რეაგირება მოახდინოს დღეს მომხდარ ფაქტზე, როდესაც უნივერსიტეტში საპატრულო პოლიციის თანამშრომლები შევიდნენ, რაც აქციის მონაწილეების თქმით, უნივერსიტეტის ავტონომიის უხეში დარღვევაა და მესამე მოთხოვნაა, უნივერსიტეტი საბოლოოდ გათავისუფლდეს ე.წ. ოდეერებისგან, რომლებმაც უნივერსიტეტში კლანური სისტემა შექმნეს.

ცნობისთვის, თბილისის სახელმწიფო უნივერსიტეტში სენატის სხდომა გადაიდო. უნივერსიტეტის ადმინისტრაციამ აქციის მონაწილეებს სამომავლოდ სხდომაზე დასწრება შესთავაზა, რომელზედაც საუბარი იქნება კონკრეტულ კანდიდატურებზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი