სანდრო ქინქლაძის შემდეგ ქვეყანა კიდევ ერთმა აქტივისტმა, ვახო სებისკვერაძემაც დატოვა. აქტივისტი ყვება, რომ სამშობლოდან წასვლა მისი და მისი ოჯახის უსაფრთხოებიდან გამომდინარე გადაწყვიტა, რადგან ცხადი იყო, რომ მასზე უწყვეტი თვალთვალი და ადევნება ხორციელდებოდა.  

იძულებული გავხდი, ჩემს მეუღლესთან ერთად დამეტოვებინა ქვეყანა, რადგან ბოლო პერიოდში უკვე აშკარად ხდებოდა თვალთვალი, ადევნება. ეს ხდებოდა, დაახლოებით, სასტიკი ღამეების პერიოდიდან გამომდინარე. მაგ პერიოდშიც მომიწია 3-4 დღით ქალაქიდან გასვლა, ცოტა რომ გავრიდებოდი ამ გარემოს, თუმცა დაბრუნების შემდეგ ისევ გაგრძელდა, ბოლო პერიოდში განსაკუთრებით. თითქმის ყოველდღიურად ხდებოდა ან სამსახურის შემდეგ რომ მოვდიოდი გვიან პერიოდში შკოდებით გამოყოლა. რამდენჯერმე შევამოწმე კიდეც, რომ ხომ ნამდვილად მე მომყვებოდნენ და დადასტურდა კიდეც ეს ფაქტი ჩემი შემოწმებებით. მუქარა, დარეკვები არ ყოფილა, ტუმცა ფაქტი იყო, რომ შკოდები, რომლებიც ყოველ საღამოს მაცილებდნენ, აშკარად იყო, ჩემზე ახდენდნენ დევნას, ამიტომ ეს ყველაფერი სახიფათო იყო ჩემი ოჯახისთვის და ჩემთვის.

სებისკვერაძე თანამებრძლებს უწყვეტი ბრძოლისთვის მადლობას უხდის და მათ გამძლეობას უსურვებს.  

მადლობა ყველაფრისთვის, რასაც აკეთებენ. მე მალე დავბრუნდები, იქამდე კი გამძლეობას ვუსურვებ და კიდევ ერთხელ მადლობა მათ ამ ყველაფრისთვის, - ამბობს ვახო სებისკვერაძე. 

ავტორი: ექსპრესნიუსი,

სოციალური ქსელები

მოლდოვის სასამართლომ პრორუს ოლიგარქ ვლადიმერ პლაჰოტნიუკს 19-წლიანი პატიმრობა მიუსაჯა

უნგრეთის ვეტოს მოხსნის შემდეგ, EU-მა უკრაინისთვის €90 მლრდ-ის სესხის პაკეტი დაამტკიცა

სოლოვიოვის მიერ იტალიის პრემიერის შეურაცხყოფის გამო, იტალიამ რუსეთის ელჩი დაიბარა

სასამართლომ ალეკო ელისაშვილი კვლავ პატიმრობაში დატოვა