2025-03-07 11:43:17, 415 ნახვა

---

„ჰამასი“ - პალესტინელი ხალხის წინააღმდეგ აგრესიის ნებისმიერი ესკალაცია რამდენიმე გატაცებულის მოკვლას გამოიწვევს

დაჯგუფება „ჰამასი“ მძევლების დახოცვით იმუქრება იმ შემთხვევაში, თუ ისრაელი ღაზას სექტორში ბრძოლებს განაახლებს, - ინფორმაციას „დოიჩე ველე“ ავრცელებს.

„პალესტინელი ხალხის წინააღმდეგ აგრესიის ნებისმიერი ესკალაცია გამოიწვევს რამდენიმე გატაცებულის მოკვლას“, - განაცხადა „ჰამასის“ პრესსპიკერმა, აბუ უბეიდამ.

ისრაელის ხელისუფლების ცნობით, ღაზაში ამ დროისთვის 24 მძევალი იმყოფება და 35 გატაცებული ადამიანის ცხედარია.

მათივე ცნობით, ცოცხალ ტყვეებს შორისაა ახალგაზრდა ჯარისკაცი, რომელსაც ისრაელისა და გერმანიის მოქალაქეობა აქვს და ტაილანდის მოქალაქე.

ისრაელსა და „ჰამასს“ შორის მიღწეული ცეცხლის შეწყვეტის შეთანხმების პირველი ეტაპი 1-ელ მარტს დასრულდა, თუმცა მხარეები შეთანხმების გაგრძელებაზე ჯერჯერობით ვერ შეთანხმდნენ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი