ევროპელები უფრო ერთიანები და ძლიერები უნდა იყვნენ, ვიდრე ოდესმე, – ამის შესახებ საფრანგეთის პრეზიდენტმა, ემანუელ მაკრონმა განაცხადა.

მაკრონის განცხადებით, უკრაინის პრეზიდენტის, ვოლოდიმირ ზელენსკისა და დონალდ ტრამპის შეხვედრა იქნება ძალიან მნიშვნელოვანი, რაც ზელენსკის მისცემს შესაძლებლობას, აუხსნას აშშ-ის პრეზიდენტს, თუ რა ხდება მის ქვეყანაში.

„ვადასტურებ, რომ დონალდ ტრამპი მიიღებს ზელენსკის ხვალ, თუ ყველაფერი კარგად იქნება და ვფიქრობ, ეს შესანიშნავია. უკრაინა ჩვენთვის მნიშვნელოვანი ბრძოლაა: ეს არის ბრძოლა საერთაშორისო სამართლისთვის, სუვერენიტეტისთვის, და შემდეგ ეს არის ბრძოლა ევროპელების უსაფრთხოებისთვის. ასე რომ, მნიშვნელოვანია, რომ ზელენსკიმ შეძლოს, აუხსნას ტრამპს, თუ რა დგას სასწორზე მის ქვეყანაში. მე შევეცადე, ამეხსნა ორშაბათს, თუ რამდენად მნიშვნელოვანია ეს ჩვენთვის, ასევე შემეხსენებინა ტრანსატლანტიკური ალიანსის მნიშვნელობა. მაგრამ ევროპელებს დღეს შეუძლიათ დარწმუნებული იყვნენ ერთ რამეში: მათ სჭირდებათ იყვნენ ერთიანები და ძლიერები უფრო მეტად, ვიდრე ოდესმე. და ამიტომ, კავშირი პორტუგალიასა და საფრანგეთს შორის არის ერთ-ერთი საფუძველი უფრო ძლიერი ევროპისთვის“, – განაცხადა მაკრონმა პორტუგალიის პარლამენტში ვიზიტისას.

ავტორი: ექსპრესნიუსი,

სოციალური ქსელები

ნანუკა ჟორჟოლიანი ენმ-სთან კონსულტაციებს ადასტურებს

4 ოქტომბრის საქმეზე დაკავებული კიდევ 6 პირი საპროცესო შეთანხმებით გაათავისუფლეს

გალტ & თაგარტის ჩართულობით, ინვესტორებმა UzNIF-ის ისტორიულ IPO-ში მონაწილეობა მიიღეს

SOLO და სუხიშვილები წარმოგიდგენთ: "თაკარა" - ვინილი, რომელიც მოძრაობას ბგერად აქცევს