2025-02-28 09:16:01, 504 ნახვა
მსოფლიო
დონალდ ტრამპმა რუსეთის წინააღმდეგ სანქციები კიდევ ერთი წლით გაახანგრძლივა
აშშ-ის პრეზიდენტი, დონალდ ტრამპი კიდევ ერთი წლით ახანგრძლივებს რუსეთის წინააღმდეგ სანქციებს.
ამის შესახებ აშშ-ის ფედერალურ რეესტრში გამოქვეყნებულ დოკუმენტშია ნათქვამი.
კერძოდ, დოკუმენტი 2014 წელს მიღებულ ოთხ სასანქციო სიას (პრეზიდენტის აღმასრულებელ ბრძანებას) ეხება, 2018 წელს მიღებულ ერთ სასანქციო სიას და 2022 წელს მიღებულ ერთ სასანქციო სიას.
ამავდროულად აღნიშნულია, რომ უკრაინაში არსებულ ვითარებასთან დაკავშირებული საგანგებო მდგომარეობა აგრძელებს მოქმედებას, რაც აშშ-ის ყოფილ პრეზიდენტებს აღმასრულებელი ბრძანებებით სანქციების დაწესების უფლებას აძლევდა 2014, 2018 და 2022 წლებში.
ავტორი: ექსპრესნიუსი,
epn.ge (@expressnews.ge)
