„ომი ევროპისთვის უფრო მნიშვნელოვანია, ვიდრე ჩვენთვის  ზელენსკიმ სწრაფად უნდა იმოქმედოს, თუ არადა ქვეყანა არ დარჩება." - დონალდ ტრამპი.

აშშ-ის პრეზიდენტი, დონალდ ტრამპი Truth Social-ის საკუთარ გვერდზე უკრაინაში მიმდინარე ომსა და ვოლოდიმირ ზელენსკის პოლიტიკას გამოეხმაურა. მისი განცხადებით, შეერთებულმა შტატებმა ევროპაზე გაცილებით მეტი თანხა დახარჯა უკრაინის დახმარებისთვის, მაშინ როცა კონფლიქტი, მისი თქმით, პირველ რიგში ევროპას უნდა აღელვებდეს.

„დაფიქრდით, საშუალოდ წარმატებულმა კომიკოსმა, ვოლოდიმირ ზელენსკიმ, აშშ 350 მილიარდი დოლარის დახარჯვაში დაარწმუნა ომში, რომლის მოგებაც შეუძლებელია და რომელიც არც უნდა დაწყებულიყო. აშშ-მ ევროპაზე 200 მილიარდი დოლარით მეტი დახარჯა, მაშინ როცა ევროპის ფული დაცულია, ხოლო ჩვენ არაფერს ვიბრუნებთ. რატომ არ მოითხოვა ბაიდენმა გათანაბრება, როდესაც ეს ომი ევროპისთვის გაცილებით უფრო მნიშვნელოვანია, ვიდრე ჩვენთვის – ჩვენ დიდი, ლამაზი ოკეანე გვაქვს გამყოფად,“ – წერს ტრამპი.

მან ასევე აღნიშნა, რომ ზელენსკი უარს ამბობს უკრაინაში არჩევნების ჩატარებაზე, მაშინ როცა საზოგადოებრივი მხარდაჭერის დაბალი მაჩვენებელი აქვს.

„ზელენსკი აღიარებს, რომ იმ ფულის ნახევარი, რომელიც გავუგზავნეთ, „დაკარგულია“. მას ძალიან დაბალი მხარდაჭერა აქვს უკრაინულ გამოკითხვებში და ერთადერთი, რაშიც წარმატებული იყო, ბაიდენის მანიპულირებაა. არჩევნების გარეშე მყოფმა დიქტატორმა უნდა იმოქმედოს სწრაფად, თუ არადა, უკრაინა არ დარჩება,“ – აცხადებს ტრამპი.

ამასთან, აშშ-ის პრეზიდენტმა  აღნიშნა, რომ მისი ადმინისტრაცია წარმატებულ მოლაპარაკებებს აწარმოებს რუსეთთან კონფლიქტის დასრულებაზე.

„ყველამ აღიარა, რომ მხოლოდ ტრამპსა და მის ადმინისტრაციას შეუძლია ომის დასრულება. ბაიდენს ეს არც უცდია, ევროპამ მშვიდობის მიღწევაში წარმატებას ვერ მიაღწია, ხოლო ზელენსკის, როგორც ჩანს, სურს, რომ „ფულის მატარებელი“ კვლავ მოძრაობდეს. მიყვარს უკრაინა, მაგრამ ზელენსკიმ საშინლად იმუშავა – მისი ქვეყანა განადგურებულია და მილიონობით ადამიანი საჭიროების გარეშე დაიღუპა. და ეს კვლავ გრძელდება…“ – წერს დონალდ ტრამპი.

ავტორი: ექსპრესნიუსი,

სოციალური ქსელები

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი