„სამოქალაქო იდეის“ დამფუძნებელი, თინა ხიდაშელი  ბოლო ორი დღის მანძილზე განხორციელებულ თავდასხმებს ეხმაურება. ხიდაშელის განცხადებით სრული პასუხისმგებლობა ამ თავდასხმებზე ბიძინა ივანიშვილს ეკისრება. მისივე თქმით, „ქართული ოცნების“ მხრიდან გაკეთებული განცხადებები, რომ სალომე ზურაბიშვილი არის ჩვეულებრივი სამოქალაქო პირი წახალისებაა იმ ძალადობის რაც მე-5 პრეზიდენტზე განხორციელდა.

ის ასევე ყოფილ პრემიერ მინისტრზე, გიორგი გახარიაზე თავდასხმასაც ეხმაურება და ამბობს რომ, ქართულმა ოცნებამ გახარია პარლამენტის წევრად აღიარა  და ვალდებულები არიან პარლამენტის წევრზე თავდასხმა გამოიძიონ.

„არავითარი მნიშვნელობა არ აქვს, როდის, რომელ საათზე, ვის დაურეკა ბიძინა ივანიშვილმა. რა თქმა უნდა, ის არის ამ ყველაფრის სულის ჩამდგმელი და ამ ყველაფერზე პასუხისმგებელი. ყველა წინადადება და ყველა გამოხმაურება, რომ "ის სამოქალაქო პირია", "აბა რა ეგონა?!", "ხო, ქვეყანაში არიან გაბრაზებული ადამიანები", ეს პირდაპირი წახალისება და პოზიტიური ნიშანია ყველა იმ მოძალადისთვის, რომელიც მსგავსი მოქმედების განხორციელებას გეგმავ. კახა კალაძე მიხვდა, რომ ეს პრობლემა აქვს ხელისუფლებას და გამოსავალი იპოვა იმაში რომ მან თქვა, მისი კომენტარი ვნახე, რომ სალომე ზურაბიშვილი ჩვეულებრივი სამოქალაქო პირია და რა ქნან, ოღონდ დაავიწყდა, რომ როგორც თავად მიიჩნევენ, გიორგი გახარია საქართველოს პარლამენტის წევრია. ამას ხაზგასმით ვამბობ, თორემ ჩვენთვის ეს პარლამენტი, მისი ყველა შემადგენლით, გახარიას ჩათვლით არალეგიტიმურია, მაგრამ ისინი ხომ ამბობენ, რომ ეს არის საქართველოს პარლამენტი და ყველა, ვისი უფლება-მოსილება არის ცნობილი, არის საქართველოს პარლამენტის წევრზე, პოლიტიკური თანამდებობის პირზე მოხდა თავდასხმა და ახლა ველოდებით მათი მხრიდან პასუხს და პასუხისმგებლობას"- განაცხადა ხიდაშელმა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია