„ბათუმელების“ დამფუძნებლის, მზია ამაღლობელის ადვოკატები ითხოვენ, პატიმრობაში მყოფი ჟურნალისტის ჯანმრთელობის მდგომარეობის მონიტორინგის მიზნით, სახალხო დამცველის მიერ შექმნილი ექიმთა ჯგუფი კლინიკა „ვივამედში“ კიდევ ერთხელ შევიდეს. შესაბამისი კომენტარი „ინტერპრესნიუსთან“ ამაღლობელის ადვოკატმა მაია მწარიაშვილმა გააკეთა.

„ნაბიჯების გადადგმას კიდევ ვაპირებთ, რომ სახალხო დამცველმა ახლიდან უზრუნველყოს ექიმების მასთან შესვლა, შემოწმება, გასაუბრება, რაღაც ზომები რომ მიიღონ. ცხადია, სამედიცინო საკითხებზე ჩვენი არგუმენტაცია არ არის მყარი. ექიმის არგუმენტაცია არის მყარი. ალბათ, დღეს კიდევ მივმართავთ სახალხო დამცველს. ბოლო ვიზიტიდან დიდი დრო გავიდა. საია განცხადებასაც დადებს აღნიშნულთან დაკავშირებით, წერილსაც გამოვაქვეყნებთ და მივმართავთ ომბუდსმენს“, - აღნიშნა მწარიაშვილმა.

ინფორმაციისთვის, გუშინ, კლინიკა „ვივამედის“ კლინიკურმა დირექტორმა, ზურაბ ჩხაიძემ „ინტერპრესნიუსთან“ საუბრისას მოუწოდა მზია ამაღლობელის კოლეგებს, თანამოაზრეებს, ოჯახის წევრებს, ადვოკატებს, რომ დაარწმუნონ, მზია სრულად შეასრულოს მათი რეკომენდაცია, რაც პირველ რიგში, ეხება საკვების მიღებას, რათა თავიდან იყოს აცილებული ლეტალური გამოსავალი.

„ბათუმელებისა“ და „ნეტგაზეთის“ დამფუძნებელი მზია ამაღლობელი 38-ე დღეა შიმშილობს.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი