საქართველოს მე-5 პრეზიდენტმა სალომე ზურაბიშვილმა, მიუნხენის უსაფრთხოების კონფერენციაზე, პანელურ დისკუსიაზე, საქართველოში მიმდინარე უწყვეტ პროტესტზე ისაუბრა.

მისი თქმით, პროტესტი არ არის რევოლუცია, არამედ მშვიდობიანი მოსახლეობის რეაქცია იმ გეოპოლიტიკურ ვითარებაზე, რომელშიც საქართველო ახლა იმყოფება. ზურაბიშვილის განცხადებით, ხელისუფლების წინააღმდეგ ბრძოლა უნდა წარიმართოს წინააღმდეგობის გზით და ხალხის სურვილი სწორედ ამაში გამოიხატება.

“რეჟიმი ვერაფერს გააწყობს, რადგან არ არსებობს ერთი ორგანიზატორი. მმართველი პარტია ცდილობს, პროტესტი ერთი ან ორი პოლიტიკური ძალის ორგანიზებულ ქმედებად წარმოაჩინოს, რათა მათზე პასუხისმგებლობა დააკისროს. სინამდვილეში, ეს არის გაფანტული, გადანაწილებული და შემოქმედებითი პროტესტი,” – განაცხადა ზურაბიშვილმა.

საქართველოს პრეზიდენტმა ხაზგასმით აღნიშნა, რომ საგარეო მორალური მხარდაჭერა მოსახლეობისთვის უმნიშვნელოვანესია. 

“მათ უნდათ, რომ დაინახონ, მოუსმინონ და სიმართლე თქვან,” – აღნიშნა მან.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია