2025-02-13 19:24:33, 353 ნახვა
პოლიტიკა
მამუკა ხაზარაძე - ევროპარლამენტმა დღეს ხელისუფლების სრული დელეგიტიმაციის რეზოლუცია მიიღო
კოალიცია "ძლიერი საქართველოს" ლიდერი, მამუკა ხაზარაძე ევროპარლამენტის მიერ მიღებულ რეზოლუციას ეხმაურება. მისი თქმით დღეს მიღებული რეზოლუცია, ხელისუფლების სრული დელეგიტიმაციაა.
ოპოზიციონერი პოლიტიკოსი აღნიშნავს, რომ “ქართულმა ოცნებამ” ვიზალიბერალიზაციის საკითხი დარტყმის ქვეშ დააყენა.
„ევროპარლამენტმა დღეს 400 ხმით 63-ის წინააღმდეგ მიიღო ივანიშვილის ხელისუფლების სრული დელეგიტიმაციის რეზოლუცია!
“ქართულმა ოცნებამ” დარტყმის ქვეშ დააყენა ვიზალიბერალიზაციის საკითხიც. ქართველი ხალხი არ უნდა დაისაჯოს რუსული ოცნების იზოლაციონისტური პოლიტიკის გამო!
ახალი არჩევნები გარდაუვალი და უალტერნატივო გამოსავალია ამ ღრმა კონსტიტუციურ-პოლიტიკური კრიზისიდან!“ - წერს მამუკა ხაზარაძე.
ავტორი: ექსპრესნიუსი,
epn.ge (@expressnews.ge)
