2016-03-08 16:39:19, 598 ნახვა
სამართალი
ირაკლი ალასანია: გამოძიება წინ წავიდა, მაგრამ პეტრიაშვილის საქმე გახსნილი არ არის
გამოძიება წინ წავიდა, მაგრამ საქმე გახსნილი არ არის, - ამის შესახებ „თავისუფალი დემოკრატების“ ლიდერმა ირაკლი ალასანიამ პარტიის გენერალური მდივნის ალექსი პეტრიაშვილის საქმესთან დაკავშირებით ჟურნალისტებს განუცხადა.
როგორც ალასანიამ აღნიშნა, ვიდრე ორგანიზატორი და შემკვეთი დაკავებული არ იქნება, საქმე გახსნილად არ ჩაითვლება.
„დადებითია, რომ წინ წავიდა გამოძიება, ეს დადებითი სიახლეა. მადლობა მინდა გადავუხადო ბუნებრივია პოლიციელებს და გამომძილბლებს, მაგრამ საქმე გახსნილი არ არის, ვიდრე ორგანიზატორი და შემკვეთი არ იქნება დაკავებული და დასჯილი. აქედან გამომდინარე, ველოდებით შემდგომ ნაბიჯებს“, - განაცხადა ირაკლი ალასანიამ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
