უწყვეტი პროტესტი გრძელდება. ამ წუთებში  თბილისის სახელმწიფო უნივერსიტეტის პირველ კორპუსთან სოციალურ-პოლიტიკურ მეცნიერებათა ფაკულტეტის სტუდენტები და ლექტორები იკრიბებიან.

აქციის მონაწილეები სოლიდარობას უცხადებენ მათი უნივერსიტეტის ლექტორს, მამუკა კომახიასა და სტუდენტს ნიკოლოზ კუტუბიძეს, რომლებიც გუშინ გამართულ საპროტესტო აქციაზე დააკავეს.

დემონსტრანტები, რომლებიც დაკავებულების გათავისუფლებას ითხოვენ, მსვლელობით რუსთაველის გამზირზე გადაინაცვლებენ, სადაც ტრადიციულ საპროტესტო აქციას შეუერთდებიან.

აქტივისტების თქმით, პროტესტი გაგრძელდება, მიუხედავად ივანიშვილის მცდელობისა, ჩაახშოს თავისუფალი აზრი.

„ივანიშვილის ავტორიტარული რეჟიმი აგრძელებს კონსოლიდაციას. ის ცდილობს ყველანაირი თავისუფალი აზრის ჩახშობას და ეს მცდელობა უკვე გაგრძელდა აკადემიურ სივრცეზე, როგორც მანამდე არასამთავრობო სექტორზე და სხვა სფეროებზე. ჩვენ დღეს აქ შევიკრიბეთ იმისთვის, რომ მხარდაჭერა გამოვუცხადოთ ჩვენს კოლეგას და ასევე ჩვენს სტუდენტს, რომლებიც უსამართლოდ დააკავეს იმისთვის, რომ თავისუფლად გამოხატავდნენ თავიანთ აზრს და უჭერდნენ საქართველოს ნათელ მომავალს მხარს,“- ამბობს აქციის მონაწილე.

ავტორი: ექსპრესნიუსი,

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება