საქართველოს ფინანსთა მინისტრი ნოდარ ხადური მცირე და საშუალო საწარმოთა ასოციაციის წევრებს შეხვდა.

სამინისტროს წარმომადგენლებმა ასოციაციის წევრებს მოგების გადასახადის რეფორმასთან დაკავშირებული ტექნიკური და ადმინისტრაციული საკითხები, ასევე მათი განხორციელების შემთხვევაში მოსალოდნელი საფინანსო-ეკონომიკური შედეგები გააცნეს.

გარდა ამისა, სამინისტროს ინფორმაციით, შეხვედრაზე განიხილეს საგადასახადო ადმინისტრირების გამარტივების მიმართულებით დაგეგმილი სიახლეები, მათ შორის, ძირითადი საშუალებების იმპორტის დღგ-სგან განთავისუფლების, აღიარებული დავალიანებების ჩამოწერისა და დავის პერიოდში საბანკო ანგარიშზე ყადაღის დადების საკითხები.

 „გრძელდება ჩვენი შეხვედრები ბიზნესთან, რომლის ფარგლებშიც მათ ვაცნობთ საგადასახადო კანონმდებლობაში დაგეგმილ ცვლილებებს, რომლებიც ეხება მოგების გადასახადის რეფორმას, ასევე საგადასახადო ადმინისტრირების გამარტივების მიმართულებით გათვალისწინებულ სიახლეებს. იმედი გვაქვს, ეს კარგი სტიმული იქნება ეკონომიკის განვითარებისთვის“, - განაცხადა ნოდარ ხადურმა.

მცირე და საშუალო საწარმოთა ასოციაციის პრეზიდენტმა, მიხეილ ჭელიძემ დადებითად შეაფასა როგორც საგადასახადო კანონმდებლობაში დაგეგმილი სიახლეები, ისე ფინანსთა სამინისტროსთან თანამშრომლობა. მისი თქმით, მოგების გადასახადის რეფორმა ხელს შეუწყობს ეკონომიკურ ზრდას, ბიზნესს ექნება მეტი შესაძლებლობა, თანხები საკუთარი ბიზნესის განვითარებისთვის გამოიყენოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება