სამოქალაქო აქტივისტმა ილია ღლონტმა დაკითხვის დასრულების შემდეგ პოლიციის შენობა დატოვა.

როგორც მან შენობის დატოვების შემდეგ განაცხადა, საქმის მასალებში მისი მიერ გაზიარებული სტატუსი ფიგურირებდა, რომელიც 2 თებერვალს ჩანიშნულ საპროტესტო აქციას ეხებოდა.

„საქმის მასალებში ჩემი გაზიარებული პოსტი აქვთ ღონისძიების შესახებ, რომელიც „პუბლიკამ“ გამოაქვეყნა. აღმოჩნდა, რომ „პუბლიკის“ მიერ გამოქვეყნებული ნიუსის გაზიარება პრობლემა იყო. სწორედ ეს დევს საქმის საფუძვლად.

შეუძლებელია, პროკურატურის ქმედებებს რაიმე სამართლებრივი საფუძველი ჰქონდეს. ჩვენ ვცხოვრობთ ქვეყანაში, სადაც შესაძლებელია „პოსტის“ გაზიარების გამო სამართალდამცველები შემოგივარდნენ, გაგჩხრიკონ, წაგიყვანონ და დაგკითხონ – ეს წარმოუდგენელია“, – განაცხადა ილია ღლონტმა.  

 

ცნობისთვის, საქმე ეხება პოსტებს, რომლებიც 2 თებერვალს ჩანიშნულ საპროტესტო აქციას უკავშირდებოდა.

ავტორი: ექსპრესნიუსი,

სოციალური ქსელები

ზელენსკის თქმით, დრუჟბას ნავთობსადენი ოპერაციების განახლებისთვის მზადაა

იოზვიაკი წერს, რა განიხილეს EU-ის მინისტრებმა დღევანდელ შეხვედრაზე საქართველოზე

ტრამპის თქმით, თუ ირანთან სამშვიდობო შეთანხმების მიღწევა არ მოხდება, მაშინ აშშ დაბომბვას განაახლებს

ტერიტორია დაატოვებინეს აქტივისტს, რომელიც კობახიძის ბრიფინგის პარალელურად, კანცელარიასთან, საპროტესტო წარწერით მივიდა