სახალხო დამცველის უჩა ნანუაშვილის განცხადებით, დაუშვებელია პირადი ცხოვრების ამსახველი კადრების გავრცელება.

ომბუდსმენი საკონსტიტციო სასამართლოს თავმჯდომარის გიორგი პაპუაშვილის იმ განცხადებას გამოეხმაურა, რომლის თანახმადაც მისი პირადი ცხოვრების ამსახველი ფოტო და ვიდეომასალის გამოქვეყნება იგეგმება.

ნანუაშვილის თქმით, ამ მხრივ კანონმდებლობა გამკაცრდა, შესაბამისად ასეთ ქმედებაში ჩადენილი ყველა პირი უმკაცრესად უნდა დაისაჯოს.

"თავისთავად რაიმე შეთავაზება დანაშაული არ არის, მაგრამ გააჩნია ეს რა ფორმით და რის სანაცვლოდ შესაძლოა მოხდეს. ეს არის ძალიან მნიშვნელოვანი, რომ დეტალები გაირკვეს. კადრებს რაც შეეხება, როგორც ჩანს, ეს უფრო პრევენციის მიზნით გაკეთებული განცხადებაა. დაუშვებელია პირადი ცხოვრების ამსახველი კადრების ნებისმიერი ფორმით გამოქვეყნება და ნებისმიერი პირი, იმ გამკაცრებული სასჯელით, რომელიც შესულია კანონმდებლობაში, უნდა დაისაჯოს," - აღნიშნავს უჩა ნანუაშვილი.

„კონფიდენციალურმა წყარომ მაცნობა, რომ ჩემი  პირადი ცხოვრების ამსახველი ვიდეო და ფოტო მასალის გამოქვეყნებას აპირებენ. განსაკუთრებით აქტიურობს იუსტიციის მინისტრი წულუკიანი და მოითხოვს ამ მასალების გასაჯაროება“ - ამის შესახებ გიორგი პაპუაშვილმა „რუსთავი 2“-ის პირდაპირ ეთერში განაცხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი