იუსტიციის უმაღლესი საბჭო 10 იანვარს დაიწყებს უზენაესი სასამართლოს უვადო მოსამართლის შესარჩევი კანდიდატის კონკურსისთვის განაცხადების მიღებას. კონკურსის გამოცხადების განკარგულება 2024 წლის ბოლო სამუშაო დღეს, 31 დეკემბერს გამოსცა საქართველოს იუსტიციის უმაღლესი საბჭოს მდივანმა ნიკოლოზ მარსაგიშვილმა.

უზენაეს სასამართლოში ერთი მოსამართლის თანამდებობა 2025 წლის 1 სექტემბერს თავისუფლება, რადგან უვადო მოსამართლეს, ნუგზარ სხირტლაძეს უფლებამოსილება შეუწყდება საპენსიო ასაკის (65 წელი) მიღწევის გამო.

განაცხადის შეტანა 2025 წლის 31 იანვრამდეა შესაძლებელი. მეორე ეტაპი განაცხადების გადარჩევაა, შერჩეულ კანდიდატს იუსტიციის უმაღლესი საბჭო საქართველოს პარლამენტს შესთავაზებს, რომლის ლეგიტიმაციასთან დაკავშირებით კითხვები არსებობს 2024 წლის 26 ოქტომბერს ჩატარებული არჩევნების გამო. ახალი არჩევნების ჩატარების მოთხოვნით დედაქალაქის ქუჩებში არ წყდება ხალხმრავალი აქციები.

უზენაეს სასამართლოში კიდევ ერთი ვაკანტური თანამდებობაა, უვადო მოსამართლე შალვა თადუმაძე შინაგან საქმეთა მინისტრის მოადგილე გახდა.

ავტორი: ექსპრესნიუსი,

სოციალური ქსელები

ტრამპმა ისრაელსა და ირანს შორის საჰაერო დარტყმების ერთკვირიანი შეჩერება გამოაცხადა

მიგრაციის დეპარტამენტის თანამშრომლებმა უცხო ქვეყნის 84 მოქალაქე საქართველოდან გააძევეს

ევროკავშირის ანგარიშის გამოქვეყნებამდე, ბოჭორიშვილი ამ ანგარიშს არასერიოზულს და ტყუილს უწოდებს

ბოჭორიშვილი: შეხვედრა, რომელსაც ითვალისწინებს ევროკავშირის რეგულაცია, გაიმართება სამუშაო დონეზე და ქართული მხარის მოლოდინია, რომ იქნება კონსტრუქციული