2024-12-29 08:45:02, 334 ნახვა

---

ესტონეთის პრეზიდენტი - უმნიშვნელოვანესია ხელისუფლებამ იპოვოს გზა დემოკრატიული პროცესებისადმი ნდობის აღსადგენად

ესტონეთისა და საქართველოს პრეზიდენტებს შორის სატელეფონო საუბარი შედგა - ამის შესახებ ინფორმაციას ესტონეთის პრეზიდენტის პრესსამსახური ავრცელენბს.

როგორც ესტონეთის პრეზიდენტმა ალარ კარისმა განაცხადა, საქართველოს მომავლისთვის უმნიშვნელოვანესია ხელისუფლებამ იპოვოს გზა დემოკრატიული პროცესებისადმი ნდობის აღსადგენად.

„საქართველოს პრეზიდენტს, სალომე ზურაბიშვილს დავურეკე, რათა კიდევ ერთხელ დამედასტურებინა ქართველი ხალხის ევროპული მისწრაფებებისადმი მხარდაჭერა. საქართველოს მომავლისთვის უმნიშვნელოვანესია ხელისუფლებამ იპოვოს გზა დემოკრატიული პროცესებისადმი ნდობის აღსადგენად. მკაცრად ვგმობთ ძალადობას, მშვიდობიანი მომიტინგეების მიმართ და მუქარას პრეზიდენტის მიმართ“, – აღნიშნავს ესტონეთის პრეზიდენტი, ალარ კარისი.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი