2024-12-19 19:51:40, 382 ნახვა
პოლიტიკა
ცაჰკნა ბრიტანულ სანქციებზე - ქართველი ოფიციალური პირების მიერ ადამიანის უფლებების სერიოზული დარღვევები შეუმჩნეველი არ რჩება
ქართველი ოფიციალური პირების მიერ ადამიანის უფლებების სერიოზული დარღვევები შეუმჩნეველი არ რჩება - ამის შესახებ ესტონეთის საგარეო საქმეთა მინისტრი მარგუს ცაჰკნა სოციალურ ქსელ X-ზე წერს და დიდი ბრიტანეთის დაწესებულ სანქციებს ეხმაურება.
დღეს, გაერთიანებულმა სამეფომ შინაგან საქმეთა მინისტრ ვახტანგ გომელაურს, შს მინისტრის მოადგილე ალექსანდრე დარახველიძეს, განსაკუთრებულ დავალებათა დეპარტამენტის უფროს ზვიად ხარაზიშვილსა და კიდევ 2 მაღალჩინოსანს სანქციები დაუწესა.
როგორც საელჩოს ინფორმაციაშია ნათქვამი, გაერთიანებული სამეფო სანქციებს უწესებს ქართველ თანამდებობის პირებს, რომლებიც პასუხისმგებელნი არიან მედიისა და მომიტინგეების სასტიკ დარბევაზე.
ავტორი: ექსპრესნიუსი,
epn.ge (@expressnews.ge)
