რადიკალური ოპოზიციის წარმომადგენლები თბილ ოფისებს თავს აფარებენ  და ახალგაზრდებს  პოლიციელებს აპირისპირებენ,- ამის შესახებ თბილისის მერმა, კახა კალაძემ განაცხადა.

მისი თქმით, „ყველა პროცესი, რასაც ქვეყანაში ვხედავთ, არის გარედან მართული, შიდა წვრილფეხა რადიკალების მონაწილეობით“.

„ეს არ არის პირველი შემთხვევა. გავიხსენოთ წინა აქციები. იქაც ხდებოდა ანალოგიურად. ეს ადამიანები, რადიკალური ოპოზიციის წარმომადგენლები თავს აფარებენ თბილ ოფისებს, სადაც შეყუჟულები არიან, მიირთმევენ ყავას, ჩაის, ცხელ შოკოლადს და როგორც მაშინ, ახლაც ბავშვებს, ახალგაზრდებს აპირისპირებენ პოლიციელებს. დღეს ნებისმიერ ადამიანს შეუძლია თავისი პროტესი გამოხატოს მშვიდობიანი ფორმით, არავინ ამაში ხელს არ უშლის, არავინ იზღუდება, თუმცა ჩვენ ვნახეთ აგრესიული ჯგუფები, რომლებიც გადადიოდნენ სიტყვიერ და ფიზიკურ შეურაცხყოფაზე, პოლიციელებს ესროდნენ ქვებს, მძიმე საგნებს, „მოლოტოვის კოქტეილებს“, რაც კატეგორიულად მიუღებელია. რადიკალური დაჯგუფებების ლიდერები კი ამ დროს თბილად ისხდნენ ოფისებში. ესეც მათი ხელწერაა.  როგორც იცით, ოპოზიციის რეიტინგი არის ნულს ქვემოთ. ყველანაირად განულებულები არიან, არანაირი ავტორიტეტი საზოგადოებაში არ გააჩნიათ. შესაბამისად, მცდელობა აქვთ, საზოგადოებას მოაჩვენონ, თითქოს ისინი არაფერ შუაში არიან და ეს ვითომ ახალგაზრდების აქციაა. ეს რადიკალური დაჯგუფებები არიან მათი ახალგაზრდული ორგანიზაციების წარმომადგენლები, გაზულუქებული არასამთავრობო ორგანიზაციების წევრები, რომლებიც დასავლეთიდან ფინანსდებიან; ექსტრემისტული ორგანიზაციები, რომლებიც გარედან ფინანსდებიან. ყველა პროცესი რასაც ქვეყანაში ვხედავთ, არის გარედან მართული, შიდა წვრილფეხა რადიკალების ჩართულობითა და მონაწილეობით“,- განაცხადა კალაძემ.

ავტორი: NS (სტატია დაფინანსებულია),

სოციალური ქსელები

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა