საარჩევნო კოლეგიამ საქართველოს მეექვსე პრეზიდენტის თანამდებობაზე მიხეილ ყაველაშვილი აირჩია.

როგორც ცენტრალური საარჩევნო კომისიის თავმჯდომარე გიორგი კალანდარიშვილმა კენჭისყრისა და ხმის დათვლის პროცესის დასრულების შემდეგ პარლამენტში განაცხადა, ყაველაშვილს საარჩევნო კოლეგიის 224-მა წევრმა დაუჭირა მხარი.

„საარჩევნო კოლეგია შედგებოდა 300 წევრისგან. არჩევნებში მონაწილეობა მიიღო 225-მა წევრმა, საიდანაც ბათილია ერთი ბიულეტენი, 224 ბიულეტენი მიეკუთვნა პრეზიდენტობის კანდიდატ მიხეილ ყაველაშვილს. შესაბამისად, წარმოდგენილი შედეგების მიხედვით, პრეზიდენტად არჩეულია მიხეილ ყაველაშვილი“,- განაცხადა გიორგი კალანდარიშვილმა. 

ცნობისთვის, მეექვსე პრეზიდენტის, მიხეილ ყაველაშვილის ინაუგურაცია 29 დეკემბერს გაიმართება. 

აღსანიშნავია, რომ საქართველოს მოქმედ პრეზიდენტ სალომე ზურაბიშვილს, რომელიც 2018 წლის 28 ნოემბერს აირჩიეს, უფლებამოსილების ვადა დეკემბერში ეწურება.

ავტორი: ექსპრესნიუსი,

სოციალური ქსელები

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა