2024-12-14 14:38:12, 419 ნახვა
პოლიტიკა
ლუაზო - საქართველოს პარლამენტს, გაყალბებული არჩევნების შედეგად, პრორუსი პრეზიდენტის არჩევა სურს
საქართველოს პარლამენტს, გაყალბებული არჩევნების შედეგად, პრორუსი პრეზიდენტის არჩევა სურს,- ამის შესახებ ევროპარლამენტარი ნატალი ლუაზო სოციალურ ქსელ X-ზე წერს.
ლუაზო საქართველოს პრეზიდენტს, სალომე ზურაბიშვილს მხარდაჭერას უცხადებს და აღნიშნავს, რომ იგი ქართველი ხალხის მისწრაფებებს წარმოადგენს.
„დღეს საქართველოს პარლამენტს, გაყალბებული არჩევნების შედეგად, სურს აირჩიოს ქვეყნის ახალი პრეზიდენტი, ულტრამემარჯვენე და პრორუსი, მაშინ, როცა ქართველები ყოველდღიურად დემოკრატიისა და ევროპის მიმართ ერთგულების დასადასტურებლად დემონსტრაციებს მართავენ. მთელი ჩემი მხარდაჭერა სალომე ზურაბიშვილს, რომელიც ქართველი ხალხის მისწრაფებებს წარმოადგენს“,- წერს ლუაზო.
ავტორი: ექსპრესნიუსი,
epn.ge (@expressnews.ge)
