2024-12-10 20:13:41, 529 ნახვა
საზოგადოება
პროტესტის მე-13 დღე დედაქალაქში - რუსთაველის გამზირი გადაკეტილია
დედაქალაქში მოქალაქეები მე-13 დღეა უწყვეტ რეჟიმში აპროტესტებენ მთავრობის პოლიტიკურ კურსს.
დღესაც, მოქალაქეებმა მთავარ საკანონმდებლო ორგანოსთან შეკრება 19:00 საათიდან დაიწყეს და ამ დროისთვის რუსთაველის გამზირი სრულად გადაკეტილია.
აღსანიშნავია, რომ პარლამენტის მიმდებარე ტერიტორიაზე საპოლიციო ძალების დიდი რაოდენობით მობილიზება არ შეინიშნება, ამ დროისთვის ჭიჭინაძის ქუჩაზე პოლიციის რამდენიმე ეკიპაჟი დგას.
ადგილზე ვითარება მშვიდია და მოქალაქეების ნაკადი აქციას ემატება.
შეგახსენებთ, თბილისის ცენტრში, პარლამენტის შენობის მიმდებარე ტერიტორიაზე აქცია 28 ნოემბრიდან იმართება.
ავტორი: ექსპრესნიუსი,
epn.ge (@expressnews.ge)
