ტელეკომპანია მთავარი განცხადებით ეხმაურება ტელეკომპანია პირველის გადამღებ ჯგუფზე ივანიშვილის ტიტუშკების მიერ თავდასხმად და წერს, რომ რეჟიმმა სიტყვის თავისუფლების წინააღმდეგ ბრძოლა ახალ და სახიფათო დონემდე აიყვანა.

"TV პირველის ჟურნალისტსა და ოპერატორზე განხორციელებული ბრუტალური, დაუფარავი თავდასხმის შემდეგ უკვე საბოლოოდ ნათელი გახდა, რომ მსგავსი შეტევები არ არის იზოლირებული ინციდენტები - ისინი წარმოადგენს ტერორის მიზანმიმართულ კამპანიას მედიისა და მთლიანად საზოგადოების წინააღმდეგ.

ივანიშვილის რეჟიმმა სიტყვის თავისუფლების წინააღმდეგ ბრძოლა ახალ, სახიფათო დონეზე გადაიყვანა და ღიად გამოუცხადა ომი ყველა კრიტიკულ ხმას. ჩვენ ვფიქრობთ, რომ ამ სერიული თავდასხმების შემდეგი ეტაპი, შესაძლოა, მოიცავს დამოუკიდებელი ტელეკომპანიების შენობებზე ფიზიკურ შეტევას და იმ პლატფორმების განადგურებას, რომლებიც მოსახლეობის ინფორმირებას ახდენენ და ამით აძლიერებენ საზოგადოებას.

მოვუწოდებთ საერთაშორისო თანამეგობრობას, გადავიდნენ შეშფოთების განცხადებების გავრცელებისგან უშუალო ქმედებებზე. უბრალოდ სიტყვების დრო გავიდა. საჭიროა ქმედება ქართული საზოგადოების და დამოუკიდებელი მედიის დასაცავად, რომელიც არის უკანასკნელი ბასტიონი ხალხის ინტერესებისა და დემოკრატიის შესანარჩუნებლად.

ტერორი უნდა შეწყდეს. ახლა, საქართველოს დემოკრატია და ქართველი ხალხი დამოკიდებულია თავისუფლებისა და კანონის უზენაესობის მომხრეთა დაუყოვნებელ ქმედით რეაგირებაზე." - წერია განცხადებაში.

ავტორი: ექსპრესნიუსი,

სოციალური ქსელები

ყარაბაღის შესახებ მიღებული რეზოლუციის გამო აზერბაიჯანი ევროპარლამენტთან კავშირს წყვეტს

თიბისი კაპიტალმა უზბეკეთის საინვესტიციო გარემოს შესახებ მაკროეკონომიკური განახლება გამოაქვეყნა

საკულტო მოდელით შთაგონებული: ახალი Cayenne Coupé Electric

Faridaily: რუსეთის ბუნებრივი რესურსების მინისტრის მოადგილე საქართველოს გავლით აშშ-ში გაიქცა