2024-12-07 00:14:10, 405 ნახვა

---

მეტროსადგურ „თავისუფლების მოედანთან“ და ჭიჭინაძის ქუჩაზე წყლის ჭავლის მანქანები გამოჩნდა [ვიდეო]

თბილისში, მეტროსადგურ „თავისუფლების მოედანთან“ და ჭიჭინაძის ქუჩაზე წყლის ჭავლის მანქანები კვლავ გამოჩნდა.

ჭიჭინაძისა და 9 აპრილის ქუჩებზე ასევე რობოკოპებიც განათავსეს.

გასული 2 დღის განმავლობაში, წყლის ჭავლის მანქანები არ განთავსებულა არც რუსთაველის გამზირზე და არც პარლამენტის შიდა ტერიტორიაზე, საიდანაც წყლის ჭავლს აქციის მონაწილეების დასაშლელად იყენებენ ხოლმე.

აღსანიშნავია, რომ წყლის ჭავლის მანქანები მას შემდეგ გამოჩნდა, რა საპროტესტო აქციაზე შეკრებილმა მოქალაქეებმა პიროტექნიკის გამოყენება დაიწყეს.

ადგილზე ამ დროისთვის ვითარება მშვიდია, თუმცა ცოტა ხნის წინ მეტროსადგურ „თავისუფლების მოედანზე“ ერთი პირის დაკავება მოხდა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი