2024-12-06 21:31:04, 431 ნახვა

---

დათუნაშვილი - გამოვედით შეხვედრიდან, დაგვახვედრეს ტიტუშკები და არანაირი ფორმა არ ეცვა, მომვარდა, დაეცა თვითონ და მეც წამიყოლა

გამოვედით შეხვედრიდან, დაგვახვედრეს ტიტუშკები და არანაირი ფორმა არ ეცვა, მომვარდა, დაეცა თვითონ და მეც წამიყოლა,- ამის შესახებ „კოალიცია ცვლილებისთვის“ წევრმა და მსოფლიო ჩემპიონმა, ზურაბ დათუნაშვილმა „მთავარ არხთან“ განაცხადა.

სასამართლომ მსოფლიო ჩემპიონს ზურაბ დათუნაშვილს სიტყვიერი შენიშვნა მისცა და სასამართლო დარბაზიდან გაათავისუფლა.

„გამოვედით შეხვედრიდან, დაგვახვედრეს ტიტუშკები და არანაირი ფორმა არ ეცვა, მომვარდა, დაეცა თვითონ და მეც წამიყოლა. ფიზიკურ ძალადობასაც ჰქონდა ადგილი. მანქანაშიც ძალადობდნენ, მერე ერთ-ერთმა მიცნო და მაგის მერე შეწყვიტეს ძალადობა. სამწუხაროა ზუსტად ეგ, საკანში რომ შევედი იქ იყო ეთნიკურად აზერბაიჯანელი ქართველი ბიჭი, რომელიც ვერ იცნეს და სამწუხაროდ ძალიან იყო ნაცემი“,- განაცხადა ზურაბ დათუნაშვილმა.

შეგახსენებთ, „კოალიცია ცვლილებისთვის“ წევრი და მსოფლიო ჩემპიონს ზურაბ დათუნაშვილი 4 დეკემბერს თავისუფლების მოედანთან იმ დროს დააკავეს, როცა ქაორთიარდ მერიოტში ოპოზიციის წევრები იყვნენ შეკრებილი. ზურაბ დათუნაშვილი ძალადობის ბრალდებით დააკავეს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი