2024-12-04 13:07:42, 468 ნახვა
პოლიტიკა
მარკ რუტე - ჩვენ გვაწუხებს ის, რაც საქართველოში ხდება
რა თქმა უნდა, ჩვენ გვაწუხებს ის, რაც საქართველოში ხდება,- ამის შესახებ ნატოს გენერალურმა მდივანმა, მარკ რუტემ ბრიუსელში განაცხადა.
რუტემ მოუწოდა საქართველოს მთავრობას, ევროატლანტიკური ინტეგრაციის გზას დაუბრუნდეს.
„რაც შეეხება საქართველოს, რა თქმა უნდა, ჩვენ გვაწუხებს ის, რაც თავად საქართველოში ხდება. მოვლენებს თვალს ვადევნებთ.
მოვუწოდებთ საქართველოს, დაუბრუნდეს ევროატლანტიკური ინტეგრაციის გზას, ევროკავშირთან და ნატოსთან.
ჩვენ ნამდვილად შეშფოთებულები ვართ და საქართველოში მიმდინარე მოვლენებს ვაკვირდებით. რაც შეეხება არჩევნებში ვინმეს ჩარევას, ეს მიუღებელია“,- განაცხადა მარკ რუტემ.
ავტორი: ექსპრესნიუსი,
epn.ge (@expressnews.ge)
