2024-11-29 13:12:21, 360 ნახვა

---

საქართველოს ელჩი კორეის რესპუბლიკაში - ჩვენ, როგორც არასდროს, მეტი ევროპა და მეტი ნატო გვჭირდება

ჩვენ, როგორც არასდროს, გვჭირდება მეტი ევროპა და მეტი ნატო,- ამის შესახებ კორეის რესპუბლიკაში საქართველოს ელჩი თარაშ პაპასქუა სოციალურ ქსელ „ფეისბუქზე“ წერს.

როგორც პაპასქუა აცხადებს, საქართველოს მეტი სოლიდარობა და თავისუფალი სამყაროს გვერდში დგომა სჭირდება.

„დღეს, როცა რუსეთი:

- აგრძელებს ჩვენი ქვეყნის 20%-ის ოკუპაციას;

- აწარმოებს დამანგრეველ ომს უკრაინის წინააღმდეგ;

- ებრძვის ევროპას, დემოკრატიულ სამყაროს და საფრთხეს უქმნის გლობალურ უსაფრთხოებას...

ჩვენ, როგორც არასდროს, გვჭირდება მეტი ევროპა და მეტი ნატო; გვჭირდება მეტი სოლიდარობა და თავისუფალი სამყაროს გვერდში დგომა!“ - წერს პაპასქუა.

შეგახსენებთ, გუშინ, 28 ნოემბერს პრემიერ-მინისტრმა, ირაკლი კობახიძემ გაახმოვანა „ქართული ოცნების“ გადაწყვეტილება, რომლის მიხედვითაც, ევროკავშირთან მოლაპარაკებების გახსნის საკითხი 2028 წლის ბოლომდე დღის წესრიგში არ დადგება.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი