2024-11-11 15:33:18, 406 ნახვა
მსოფლიო
შოლცი - მე და ტრამპი შევთანხმდით, რომ გვსურს, ევროპაში მშვიდობის დასაბრუნებლად ვიმუშაოთ
მე და პრეზიდენტად არჩეული დონალდ ტრამპი შევთანხმდით, რომ გვსურს, ვიმუშაოთ ევროპაში მშვიდობის დასაბრუნებლად,- ამის შესახებ გერმანიის კანცლერი ოლაფ შოლცი სოციალურ ქსელ X-ზე წერს და აღნიშნავს, რომ მას ამერიკის შეერთებული შტატების 47-ე პრეზიდენტ დონალდ ტრამპთან სატელეფონო საუბარი ჰქონდა.
როგორც შოლცი აღნიშნავს, ტრამპთან საუბრისას მან გამოთქვა სურვილი, რომ განაგრძოს წარმატებული თანამშრომლობა აშშ-სთან.
"მე და პრეზიდენტად არჩეული დონალდ ტრამპი შევთანხმდით, რომ გვსურს, ვიმუშაოთ ევროპაში მშვიდობის დასაბრუნებლად. სატელეფონო საუბრისას მე პირადად მივულოცე მას და აღვნიშნე, რომ გერმანიას სურს, განაგრძოს მისი წარმატებული თანამშრომლობა ამერიკის შეერთებულ შტატებთან",- წერს გერმანიის კანცლერი X-ზე.
ავტორი: ექსპრესნიუსი,
epn.ge (@expressnews.ge)
