თბილისში, რუსთაველის გამზირზე საქართველოს საპარლამენტო არჩევნების შედეგების გასაპროტესტებლად აქცია მიმდინარეობს.

საკანონმდებლო ორგანოსთან ოპოზიციური პოლიტიკური პარტიების ლიდერები, მათი წევრები, მხარდამჭერები და სხვადასხვა სფეროს წარმომადგენლები არიან შეკრებილი და სიტყვით გამოსვლები იმართება.

ამ დროისთვის რუსთაველის გამზირი სრულად გადაკეტილია.

აღსანიშნავია, რომ აქციამდე, ოპოზიციონერი ლიდერების ხელმძღვანელობით, „თბილისი ცენტრალის“ მიმდებარე ტერიტორიიდან პარლამენტის სასახლემდე, საპროტესტო მსვლელობა გაიმართა.

შეგახსენებთ, შეკრება 3-მა ოპიზიციურმა კოალიციამ - „კოალიცია ცვლილებისთვის“, „ერთიანობა - ნაციონალური მოძრაობა“ და „ძლიერი საქართველო“ - 31 ოქტომბერს, ერთობლივ საგანგებო ბრიფინგზე დააანონსა.

ოპოზიციური კოალიციები, რომლებმაც 2024 წლის საპარლამენტო არჩევნებზე 5%-იანი ბარიერი გადალახეს, „ქართულ ოცნებას“ არჩევნების შედეგების მოპარვაში ადანაშაულებენ და  საერთაშორისო ადმინისტრაციის მიერ, საპარლამენტო არჩევნების ხელახლა ჩატარებას მოითხოვენ.

ავტორი: ექსპრესნიუსი,

სოციალური ქსელები

თურქეთმა რუსეთთან ვაჭრობის მკვეთრი შემცირების შესახებ განაცხადა

ჟურნალისტებისთვის საქართველო არ წარმოადგენს უსაფრთხო ადგილს პროფესიული მოვალეობის შესრულებისთვის - საია

Politico: ტრამპი კუბის წინააღმდეგ სამხედრო ქმედებებს განიხილავს.

თბილისში 14 წლის მოზარდმა 30-ჯერ გაიტაცა ავტომობილი, იგი დააკავეს