გუშინდელი არჩევნები ბიძინა ივანიშვილმა და “ქართულმა ოცნებამ" რუსეთის სპეცსამსახურებთან ერთად მიითვისა და წაართვა ქართველ ხალხს,- ამის შესახებ “ძლიერი საქართველოს“ ლიდერმა, მამუკა ხაზარაძემ განაცხადა.

ხაზარაძის თქმით, “ძლიერი საქართველოსთვის“ ეს არჩევნები და შედეგები მიუღებელია.

“გუშინდელი არჩევნები ბიძინა ივანიშვილმა და “ქართულმა ოცნებამ" რუსეთის სპეცსამსახურებთან ერთად მიითვისა და წაართვა ქართელ ხალხს. “ძლიერი საქართველო“ არ აღიარებს 26 ოქტომბრის არჩევნების შედეგებს. ჩვენ არ ვაღიარებთ გუშინდელი არჩევნების შედეგებს და გავაგრძელებთ თითოეული ჩვენი ამომრჩევლის ხმის უფლების დაცვას...

ჩვენ ვდგავართ ჩვენს ხალხთან ერთად, სიმართლის მხარეს. გუშინდელი არჩევნები არის მიუღებელი, ეს იყო მოპარული არჩევნები, რომელიც ბიძინა ივანიშვილმა რუსული “ფე-ეს-ბეს“ და “კა-გე-ბეს“ დახმარებით ჩაატარა საქართველოში. მინდა, ყველას ვუთხრა, არავინ გაიტეხოს გული, არაფერი დამთავრებული არ არის, ჩვენ გავაგრძელებთ ბრძოლას“,- განაცხადა ხაზარაძემ.

ავტორი: ექსპრესნიუსი,

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით