2024-10-26 17:30:11, 385 ნახვა

---

საიას ინფორმაციით, ორგანიზაციის დამკვირვებელს, გიორგი გოცირიძეს მარნეულის ერთ-ერთ სააარჩევნო უბანზე ფიზიკურად გაუსწორდნენ

„საქართველოს ახალგაზრდა იურისტთა ასოციაციის“ (საია) ინფორმაციით, ორგანიზაციის თანამშრომელს/დამკვირვებელს, გიორგი გოცირიძეს მარნეულის #4 უბანზე კომისიის წევრი და უბნის გარეთ უცნობი პირი თავს დაესხნენ და ფიზიკურად გაუსწორდნენ.

საიას ცნობით, აღნიშნულს წინ მუქარა უსწრებდა.

„გაცნობებთ, რომ საიას თანამშრომელს/დამკვირვებელს, გიორგი გოცირიძეს მარნეულის #4 უბანზე კომისიის წევრი და უბნის გარეთ უცნობი პირი თავს დაესხა და ფიზიკურად გაუსწორდა. უბანზე არსებული დარღვევების დაფიქსირებისას გიორგი გოცირიძეზე ფიზიკურ ძალადობას წინ უსწრებდა მუქარა. მოვუწოდებთ საქართველოს პროკურატურას, დაუყოვნებლივ მოახდინოს მომხდარ ფაქტზე რეგირება“,- აღნიშნულია ორგანიზაციის განცხადებაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი