2024-10-15 14:00:49, 450 ნახვა
მსოფლიო
ალიევი - სომხეთის წინადადება, ხელი მოეწეროს რაც აქამდე შეთანხმებულია და შეუთანხმებელი შემდგომ ეტაპებზე გადავიდეს, რეალობისგან შორსაა
სომხეთის მთავრობის წინადადება, ხელი მოეწეროს ყველაფერზე, რაც აქამდე არის შეთანხმებული და შეუთანხმებელი დებულებები შემდგომ ეტაპებზე გადავიდეს, სრულიად შორს არის რეალობისგან,- ამის შესახებ აზერბაიჯანის პრეზიდენტმა, ილჰამ ალიევმა ბელგიის სამეფოს ახლად დანიშნული საგანგებო და სრულუფლებიანი ელჩის, ჟულიენ დე ფრეიპონის რწმუნებათა სიგელების მიღებისას განაცხადა.
როგორც ალიევმა აღნიშნა, სამშვიდობო ხელშეკრულების ყველა პუნქტი თანაბარია და ერთმანეთისგან მათი გამიჯვნა შეუძლებელია.
"ამ კუთხით სომხეთის მთავრობის წინადადებას განვიხილავ როგორც მიუღებელს, მე არ ვიცი ასეთი მიდგომის პრეცედენტი",- განაცხადა ალიევმა.
ავტორი: ექსპრესნიუსი,
epn.ge (@expressnews.ge)
