2024-10-11 09:12:45, 362 ნახვა

---

ლიბანის ჯანდაცვა - ისრაელის მიერ ბეირუთზე თავდასხმას 18 ადამიანი ემსხვერპლა - დაშავებულია, სულ მცირე, 92 პირი

ისრაელის მიერ ბეირუთზე თავდასხმას 18 ადამიანი ემსხვერპლა - დაშავებულია, სულ მცირე, 92 პირი. ამის შესახებ ინფორმაციას Reuters-ი ლიბანის ჯანდაცვის სამინისტროზე დაყრდნობით ავრცელებს.

როგორც ლიბანის ჯანდაცვის სამინისტროში აცხადებენ, “თავდასხმების სამიზნე "ჰეზბოლას" ერთ-ერთი ლიდერი იყო“.

Reuters-ის ინფორმაციით, ისრაელმა ბეირუთის ცენტრში, მჭიდროდ დასახლებულ საცხოვრებელ უბანში მდებარე ბენზინგასამართ სადგურთან ახლოს, სულ მცირე, ერთი დარტყმა განახორციელა.

ისრაელს მომხდარზე კომენტარი ამ დრომდე არ გაუკეთებია.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი