2024-10-09 11:55:01, 374 ნახვა
მსოფლიო
ქარიშხალ „მილტონის“ გამო „რამშტაინის“ შეხვედრას ბლინკენიც არ დაესწრება
ამერიკის შეერთებული შტატების სახელმწიფო მდივანმა, ენტონი ბლინკენმა ქარიშხალ „მილტონის“ მოახლოების გამო, გერმანიაში ვიზიტი გადადო, სადაც უკრაინის თავდაცვის საკითხების საკონტაქტო ჯგუფის შეხვედრა უნდა გამართულიყო. ამის შესახებ ინფორმაციას უცხოური მედია სახელმწიფო დეპარტამენტის სპიკერზე, მეთიუ მილერზე დაყრდნობით ავრცელებს.
როგორც მედია იუწყება, ბლინკენი ამჟამად ლაოსში იმყოფება, საიდანაც გერმანიაში უნდა გაფრენილიყო, თუმცა ვაშინგტონში დაბრუნდება.
კითხვაზე, იქნება თუ არა აშშ საერთოდ წარმოდგენილი "რამშტაინზე", სახელმწიფო დეპარტამენტის წარმომადგენელმა თქვა, რომ საკითხი თეთრი სახლის კომპეტენციაში შედის და არა სახელმწიფო დეპარტამენტის.
ავტორი: ექსპრესნიუსი,
epn.ge (@expressnews.ge)
