2024-09-23 14:34:49, 394 ნახვა
მსოფლიო
NBC-ის გამოკითხვის მიხედვით, კამალა ჰარისი დონალდ ტრამპს 5%-ით უსწრებს
NBC-ის მიერ ჩატარებული სოციოლოგიური გამოკითხვის შედეგების მიხედვით, ამერიკის შეერთებული შტატების ვიცე-პრეზიდენტი და "დემოკრატიული პარტიის" პრეზიდენტობის კანდიდატი კამალა ჰარისი “რესპუბლიკელ" მეტოქეს, დონალდ ტრამპს 5%-ით უსწრებს.
მედიის ცნობით, გამოკითხვამ აჩვენა, რომ რესპონდენტები უფრო კეთილგანწყობილნი გახდნენ ჰარისის მიმართ მას შემდეგ, რაც ის “დემოკრატიული პარტიიდან“ საპრეზიდენტო კანდიდატი გახდა.
კვლევის თანახმად, 1 000 რეგისტრირებული ამომრჩევლიდან 48%-მა ჰარისი დადებითად შეაფასა, ივლისში ეს მაჩვენებელი 32% იყო.
ტრამპის შემთხვევაში, გამოკითხულთა 40%-მა განაცხადა, რომ მის მიმართ დადებითად არის განწყობილი, ივლისში ეს მაჩვენებელი 38% იყო.
გამოკითხვა 13-17 სექტემბერს ჩატარდა და მისი ცდომილება 3%-ს შეადგენს.
ავტორი: ექსპრესნიუსი,
epn.ge (@expressnews.ge)
