კოლექტიური „ნაციონალური მოძრაობა", რომელიც დღეს ოპოზიციად გვევლინება, როდესაც ხელისუფლებაში იყო, კლავდა და აუბედურებდა ადამიანებს, დღეს ამის რესურსი არ აქვთ და რა შესაძლებლობებიც აქვთ, იმას იყენებენ",  - ასე ეხმაურება თბილისის მერი კახა კალაძე ჟურნალისტებთან საუბრისას საპარლამენტო უმრავლესობის წევრის, გივი მიქანაძის განცხადებას ოპოზიციის წარმომადგენლების მხრიდან ძალადობრივი საარჩევნო კამპანიის შესახებ.

„სიძულვილს და ბულინგს რაც შეეხება, ეს არის „ნაციონალური მოძრაობის" თანმდევი  პროცესი. მე კოლექტიურ „ნაციონალურ მოძრაობაზე" ვსაუბრობ, იმ რადიკალურ დაჯგუფებაზე, რომელიც დღეს, სამწუხაროდ, ოპოზიციად გვევლინება. რამდენი მაგალითი შეიძლება მოვიყვანოთ იმისა, თუ როგორ აყენებენ შეურაცხყოფას განსხვავებული აზრის მქონე ადამიანებს. თუნდაც, მაგალითად, ახლა, როდესაც ჩვენ საზოგადოებას  საარჩევნო სიის პირველი ოცეული წარვუდგინეთ, ყველამ ნახა, როგორი თავდასხმები მიდიოდა ჩვენს გმირ და ღირსეულ ოლიმპიურ ჩემპიონებზე, სპორტსმენებზე. ეს არის კოლექტიური „ნაციონალური მოძრაობის" თანმდევი პროცესი, რომ ვიღაცას  შეურაცხყოფა მიაყენონ, გალანძღონ, დააბულინგონ, სტრესში ჩააგდონ.  ადრე, როდესაც ხელისუფლებაში იყვნენ,  კლავდნენ, აუბედურებდნენ ადამიანებს, დღეს უბრალოდ ამის რესურსი არ აქვთ და რა შესაძლებლობებიც აქვთ, იმას იყენებენ, სამწუხაროდ...

სამწუხაროა, რომ კიდევ წარსულში არიან ჩარჩენილები და ფიქრობენ, რომ საარჩევნო კამპანიის დროს, საზოგადოებასთან შეხვედრისას ამა თუ იმ პარტიისთვის ხელის შეშლით შეუძლიათ რაღაც ბენეფიტები მიიღონ. წარმოუდგენელია უბრალოდ. მხოლოდ და მხოლოდ მინუსები და ნეგატივი შეიძლება მიიღოს კოლექტიურმა „ნაცმოძრაობამ".  დღეს ქვყეყანაში გვაქვს თავისუფალი გარემო, სადც ყველა პოლიტიკურ პარტიას თუ პოლიტიკოსს შეუძლია, აწარმოოს საარჩევნო კამპანია და არ არის სწორი ეს ხელის შეშლები, მივარდნები, შეურაცხყოფის მიენება და ასე შემდეგ. ეს კატეგორიულად მიუღებელია  და ვინც ამ ფორმით  მოქმედებს, 26 ოქტომბერს ჩვენი ქვეყნის მოსახლეობის უმრავლესობა  გასცემს შესაბამის პასუხს", - განაცხადა კახა კალაძემ.

ავტორი: NS (სტატია დაფინანსებულია),

სოციალური ქსელები

ევროკავშირმა და სომხეთმა დაკავშირებადობის სფეროში პარტნიორობის შესახებ შეთანხმება გააფორმეს

რასა იუკნევიჩიენე: სამხრეთ კავკასიაში ევროკავშირის პერსპექტივა ცოცხალია, თუმცა მესმის ქართველების იმედგაცრუება, რომ თბილისი ამის მიღმა დარჩა

კობახიძეს ჯერა, რომ ევროპარლამენტარები თავს ესხმიან საქართველოში მედიის თავისუფლებას

თეთრი სახლის მახლობლად სროლა მოხდა: აშშ-ის საიდუმლო სამსახურმა მსროლელი დაჭრა