"ოცნების” მიზანი იყო, საპარლამენტო სია გაეკეთილშობილებინათ, თუმცა საბოლოო ჯამში მოხდა პირიქით, რომ ჩვენს ცნობილ სპორტსმენებს, მათ რეპუტაციას და სახელებს მოსცხეს ჩირქი,- ამის შესახებ "ერთიანობა-ნაციონალური მოძრაობის” გენერალურმა მდივანმა, პეტრე ცისკარიშვილმა “ქართული ოცნების” საარჩევნო სიასთან დაკავშირებით განაცხადა.

ცისკარიშვილის თქმით, "მთავარი შეკითხვაა, ეყოფათ თუ არა ნებისყოფა, იყვნენ მომავალი მთავრობის ოპოზიციაში თუ რამდენიმე მათგანი შეუერთდება ახალ კოალიციურ მთავრობას".

“ოცნების” სიასთან დაკავშირებით, ჩემი აზრით, კითხვა სხვაგვარად უნდა დავსვათ, ეს ადამიანები იქნებიან ოპოზიციაში, თუ ამ ოცეულიდან რამდენიმე მათგანი შეუერთდება ახალ კოალიციას, რომელსაც ძირითადად დღევანდელი ოპოზიცია დააკომპლექტებს? ეს არის საინტერესო და მნიშვნელოვანი კითხვა და არა უბრალოდ სახელები და გვარები, რადგან დანარჩენი ჩვენ ყველამ ვიცით. ესენი არიან “ოცნების” სახეები გასაკეთილშობილებლად ამ სიის და ამ სახელებს და გვარებს დაამატეს რამდენიმე ჩვენი ცნობილი სპორტსმენი. საბოლოო ჯამში, ალბათ, ყველაფერი მოხდა პირიქით, მათ რეპუტაციას, ამ ადამიანების სახელებს მოსცხეს ჩირქი და არა იმ მიზანს მიაღწიეს, რაც დაგეგმილი ჰქონდათ, რომ თავიანთი სია გაეკეთილშობინებინათ. საბოლოო ჯამში, მთავარი შეკითხვა არის იმასთან დაკავშირებით, მათ ეყოფათ თუ არა ნებისყოფა, იყვნენ მომავალი მთავრობის ოპოზიციაში თუ რამდენიმე, ჩემი ვარაუდით, 3-4 მათგანი შეუერთდება ახალ კოალიციურ მთავრობას?" - განაცხადა პეტრე ცისკარიშვილმა.

შეგახსენებთ, გუშინ, 10 სექტემბერს "ქართულმა ოცნებამ" საარჩევნო სიის პირველი ოცეული წარადგინა, მათ შორის სპორტსმენები - ლაშა ტალახაძე და გენო პეტრიაშვილიც არიან.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს