2024-09-06 13:38:49, 379 ნახვა
მსოფლიო
ალიევი - აზერბაიჯანსა და სომხეთს შორის სამშვიდობო შეთანხმების ტექსტის 80% შეთანხმებულია
აზერბაიჯანის პრეზიდენტის, ილჰამ ალიევის განცხადებით, ბაქომ და ერევანმა სამშვიდობო შეთანხმების ტექსტის 80% შეათანხმეს.
ალიევის თქმით, აზერბაიჯანსა და სომხეთს შორის "მშვიდობიანი მოლაპარაკებები აჩვენებს, რომ სამხრეთ კავკასიაში მშვიდობის მიღწევა შესაძლებელია".
"ჩვენ უკვე მივაღწიეთ საზღვრების დელიმიტაციის პროცესს, დემარკაციასაც კი. დიახ, ეს პატარა ნაბიჯია. გამიჯნულია 13-კილომეტრიანი მონაკვეთი. ჩვენ გვაქვს 1 000-კილომეტრიანი საზღვარი სომხეთთან. თუმცა, ეს არის სწორი მიმართულებით გადადგმული ნაბიჯი და ჩვენ ვიმედოვნებთ, რომ აზერბაიჯანის ეს ინიციატივა სამშვიდობო მოლაპარაკებების შესახებ მიგვიყვანს სამშვიდობო შეთანხმების ხელმოწერამდე", - განაცხადა ალიევმა.
ავტორი: ექსპრესნიუსი,
epn.ge (@expressnews.ge)
